Dama a perde control y dal den mata di kwihi

1913

Dialuna mainta a drenta informe di un accidente cu hende herida pazuid di e rotonde Ponton. Den e accidente tabatin solamente un persona herida.

Polis y ambulance a yega na e sitio y ta topa cu e dama chauffeur sinta riba baranca ta kehando di dolor y su auto cu ta un KIA Cerato cu hopi daño material. E tabata biniendo for di nort bayendo Oranjestad saliendo for di e rotonde pa un motibo desconoci e auto a kita na man drechi subi acera y bay dal fuertemente na un mata di kwihi. E impacto tabata fuerte y e auto dilanti a keda totalmente destrui.

Mientras cu Polisnan a keda na e sitio haci investigacion, ambulance a transporta e herido pa hospital pa control.