Dama a bati alarma pa maltrato

A pidi presencia di polis na Bar Mangel Halto pa un situacion serio di maltrato caminda un dama a duna informacion cu un persona a maltrat’e. 

Patruya a presenta y a cuminsa un combersacion cu e dama. Segun por a compronde, e dama a duna descripcion y number di e persona en cuestion. E ta un conoci di husticia. A opta pa hiba e dama den patruya pa tuma declaracion mas trankil. Esaki a sosode den careda di 11:00 am caminda e victima a opta pa presenta na un localidad publico pa topa cu polis.