Diamars anochi a sosode un accidente dilanti di Cheng’s Supermarket na Bubali. Ta entre un auto marca Toyota modelo Fortuner y un motorcycle colo blanco. N’e sitio a compronde cu e Fortuner tabata biniendo fo’i pariba y a lora na su man robes sin nota cu e brommer tabata pabou.
E Toyota a ricibi basta daño material na e port’i pasahero. E motociclista a resulta levemente herida, tabata keha di basta dolor na curpa. Polis di trafico a presenta pa documenta e accidente aki mientras cu ambulance tabata brinda atencion medico n’e motociclista.