Dak di cas na candela na Saliña Cerca

Diamars merdia ta bati alarma pa un cas na candela na Saliña Cerca, na Noord.  Brandweer rapidamente a yega na e sitio cu un truck y a mira mesora cu e huma tabata bini for di direccion di e dak.

A papia cu un persona, kende a bisa cu e tabata trahando riba e dak, pegando algo, ora cu algo a bay fout y e dak a pega candela. El a spanta asina hopi cu el a bula na suela y bati alarma. Bomberonan a core subi dak pasobra den su pura, e trahado a core laga un tanki di gas riba e dak. Mas daño material no tabatin ni personal.