D’-licious diadomingo awor pa 7 pm na TeleAruba den ‘live sessions’

222

Diadomingo awor dia 10 di Mei 2020 lo ta e di tres edicion di e programa nobo ‘Live Sessions’ cual ta un iniciativa di Elite Productions Aruba. E siman aki e banda D’-Licious lo ta studionan di Elite. Siman pasa Serghio Jansen y Michelangelo Koolman a entrene e televidentenan cu varios cancion original y ‘covers’.

Desde diadomingo awor e programa lo conoce un cambio di orario. Esaki lo lo ta for di 7 or di anochi pa 8.30 pm tur anochi.  E diadomingo aki D’-Licious lo percura pa un anochi yena di musica cu un toke special tambe pa tur mama di Aruba. Esaki relaciona cu diadomingo awor ta dia di mama. Apesar di pasa riba Canal 13/23 por mira e programa tambe riba facebook di Elite Productions & Entertainment. Aki por manda saludos den forma bibo y gana premio!

E siman aki e tema visual di e programa ta ‘Mangel Halto’. Durante e programa e imagenan ta graba den e area bunita di Mangel Halto. Esaki ta inclui e entrevista di siman cu lo ta cu Shar’s Flowershop. E compania aki den e industria di evento ta hopi conoci pa loke ta e parti di decoracion di evento. Su propietario lo comparti con e temponan di Covid 19 a afecta nan compania. Aruba Bank tambe lo presenta nan tip di siman formando parti di ‘Banking Responsibly’. E presentador di e programa ta e conocido y talentoso hoben MC Samil.

Live Sessions ta un patronisa pa Setar NV, KFC, Aruba Bank, Urataka Center, KFC y UR Designs. E produccion ta di Elite Productions & Entertainment Aruba supported Tele Aruba Canal 13.   https://www.facebook.com/elitearuba/