Jorge Zarraga ta contento toch, cu den tur su dolor di perdida inespera di su yiu Cynthia, cu e tabata asina hopi stima y cu por a nota esaki na momento di su despedida.”E ta algo increiblemente doloroso. Nos como mayornan ta responsabel di nos yiu”.
Cynthia Aurora Isabella di dos aña a sufri un accidente den pool y a fayece. E tata na un ceremonia di despedida na beach a bisa cu awe diasabra ta un dia hopi dificil pa nan como mayornan. E tata a splica cu a invita comunidad y casi 500 hende a acudi. Por culpa otro, pero esey no ‘ta trece nos yiu bek. Nos a uza e amor cu nos yiu a siña nos pa trece e hendenan hunto na e luga unda cu e ta gusta hunga y comparti amor cu nos comunidad.”
“Mi yiu no tabata solamente mi y tabata yiu di hopi hende cu a haya duele ora cu el a bay. Corda cu mayan no tey mas, probecha awe. Duna bo mama un sunchi, ban mehora nos bida. P’esey nos a haci e ceremonia aki.”
“Cynthia tabata spierta felicidad den hendenan. Tur ora cu e tabata cana cu su mama, haci beach limpi y semper tabata atrae hende. E tabata un mucha cu hopi amor den dje. El a siñami amor incondicional.” El a gradici tur esunnan cu a reacciona positivo y tambe na esunnan cu no a reacciona positivo.
Na e beach dilanti Divi Golf, unda Cynthia gusta hunga, a haci e ceremonia di despedida, unda a tira flor den lama.
