Curpa haya riba tereno di Aruba Aloe

DCIM100MEDIADJI_0015.JPG

Polis, recherche y team forensico tabata diamars mainta riba tereno di Aruba Aloe. Trahadornan a haya un curpa benta den mondi, nan a bati alarma mesora na autoridad. Polis a yega cera e area.

Un rato despues a logra identifica e victima. Ta trata di un hende homber inicial J.S.F. di 83 aña naci na Colombia. Pa 10:25 dr. Texeir a constata morto. Polis y dokter no ta sospecha un crimen como causa di e morto.

Tabata hopi aña pasa cu a yega di haya un curpa sin bida, e tempo ey e caso tabata trata di un asesinato.