Curasoleño sospecha di asesinato deteni na Colombia

E homber Francis Anthony de Pool, naci na Corsou, ta deteni na Colombia. Esaki ta relaciona cu un asesinato cu el a comete un diadomingo anochi, riba 17 di mei, 2020 . E victima tabata un Cubano cu el a tira mata, segun publicacion na Surinam, unda e hecho a tuma luga.

Autoridad tin e sospecho cu e homber aki di nacionalidad Hulandes ta maneha un red di contrabanda di cocaina. Autoridadnan Colombiano a informa Surnam cu e ta contrata mulanan cu ta transporta droga pa Hulanda scondi den nan maleta.

E nomber di e homber de Pool a surgi cerca autoridadnan como esun cu a mata e Cubano di 28 aña, Leosbel Izquierdo Noriego uzando un arma di candela. Polis di Surnam a describi e fugitivo como un persona peligroso, alcoholico, ta cana cu arma y ta uza droga.

Autoridadnan di Surnam a saca un ordo di buskeda contra dje. Mientrastanto a pidi extradicion di e homber cerca autoridadnan di Bogota.

Potret di El Tiempo

Detencion

A detene e sospechoso de Pool na Popayán, Cauca.

Manera menciona, e lo ta na cabes di un red di contrabanda di cocaina, encarga pa crea metodonan di camuflahe y formanan pa sconde e droga pa e transporte pa Europa.

Tabata despues di su detencion cu a bin descubri cu tinun buskeda internacional p’e. Den e razzia cu a tene, den bario Alférez Real, na Cali, Valle del Cauca, a confisca un kilo di clorhidrato di cocaina, carchinan di cumpleaños den cual tabatin cocaina scondi y $ 20’000.000 cash, entre moneda Colombiano y stranhero. 

Potretnan di Waterkant