Curacao Marriott Beach Resort a finalisa recientemente un renobacion grandi y for di momento cu huespednan a cuminsa yega, a haya reaccion positivo solamente. Un concepto innovativo, ta loke tanto e huespednan nobo como “repeat guest” ta sinti.

Un delegacion di prensa di Aruba cu a bay cubri e vuelo inaugural Miami / Corsou, a haya invitacion di Curacao Tourist Board pa un tour di e isla y un di e puntonan di bishita tabata Curacao Marriott Beach Resort. E hotel aki a habri su portanan dos siman pasa despues di tabata cera pa basta aña pa renobacion.

Curacao Marriott Beach Resort, un joya cu a keda cla despues di un renobacion grandi

Curacao Marriott Beach Resort, un joya cu a keda cla despues di un renobacion grandi. Click link pa mas https://24ora.tv/38165nW

Posted by 24ora on Monday, December 2, 2019

Segun Sergino Croes, Gerente di Benta di Curacao Marriott, nan a topa cu dos reto grandi inmediatamente despues di nan re-apertura unda cu un di e eventonan grandi cu nan tabata anfitrion di dje tabata e  KLM Curacao Marathon cu a trece mas cu 2 mil persona pa Corsou. “Esaki tabata un evento hopi grandi pa nos, cu tabatin su retonan den e volumen di cambernan pero tambe pa atende cu tur e huespednan den e diferente restaurantnan. E tabata un bon test pa nos pa mira con e operacion ta bay ta durante temporada halto,” Sergino Croes, a declara.

E reaccion di e huespednan tabata y ta  un “waw” ya cu e tin tokenan di “state of the art”, un concepto dinamico y innovativo. E reaccion di e huespednan ta mustra cu definitivamente e ta un producto na nan gusto. Curacao Marriott tin un bon mescla di huespednan nobo y “repeat guest”.  Esnan cu a yega di keda eynan caba den pasado nan reaccion ta hopi positivo di e cambio y esnan nobo ta haya cu e producto ta mustra hopi “fresh”, entre otro door di e tononan di color cu a uza.

E propiedad tin un seccion special cu yama The Ritz Club Executive Suite, cu ta 8 camber. E huespednan kedando aki den tin acceso na e Ritz Club, cu ta un lounge ehecutivo, special pa famia unda cu e camber ta separa di e sala y tin dos baño. E suitenan aki ta ofrece un bista espectacular ora cu bo ta riba e balcon. “Mainta ora cu bo lanta, si e cortinanan ta habri, e huesped ta haya e efecto cu bo ta riba e awa. Esaki ta bin door di e efecto cu e balcon ta sali afo di e camber,” Sergino Croes a splica.

Ballroom

Na e Ballroom tambe ta haciendo cambionan grandi. E lo ta completamente cla pa keda inaugura fin di februari, 2020. E intencion ta pa e ta den operacion entrante prome di maart, 2020. Un evento importante cu tin planea pa e ballroom ta Destination Wedding.

Otro facilidadnan cu tin ta e C-Spice Restaurant, unda e grupo di prensa di Aruba a wordo ricibi pa un desayuno, pero tambe tin un pool bar Salty Iguana cu cuminda mas casual unda ta haya e popular Marriott Burger. Na entrada tin Great Room, ta un area unda por socialisa  y ta un area special pa famia sinta comparti cu otro. Banda di e dosnan aki, tin un Izakaya Bar Sushi. Pa e biaheronan mas “tasty” tin Papiamento Market Place, y sin kita e servicio di 24 ora pa dia cu tin directo pa e cambernan.

Ta invita Arubianonan cu ta biaha pa Corsou pa cera conoci cu e instalacionnan completamente renoba di Curacao Marriot Beach Resort.

Comments

comments