Ta kere cu e tiger Nadia di 4 aña, un tiger di Malaya, ta e prome caso conoci di un bestia infecta cu COVID-19 na Merca. E zologico di Bronx, den New York City, a bisa cu National Veterinary Services Laboratory na Iowa a haci e test y esaki a sali positivo. Nadia, hunto cu otro 6 pushi grandi, a contagia door di un cuidado di e zologico.
E tigernan a cuminsa mustra sintomanan, inclui tos seco, luna pasa despues di exposicion di e empleado, kende no ta identifica. “Esaki ta prome biaha cu algun di nos sa cu un persona na cualkier parti di mundo a infecta un bestia y esaki a bira malo,” Paul Calle, hefe di veterinario na e zologico, a bissa Reuters. Den otro parti di mundo tin casonan di isolacion di bestia di cas cu a test positivo di coronavirus, pero expertonan ta enfatisa cu no tin evidencia cu nan por bira malo of plama e enfermedad.
Calle a bisa e ta pensa di comparti e informacion aki cu tur zologico y institucionnan cu ta investigando e trasmision di COVID-19. “Nos a test Nadia door di abundancia di precausion y lo sigura cu cualkier conocemento nos haya di COVID-19 lo contribui na e continuacion di conocemento mundial di e coronavirus nobo,” e zologico a bisa den un comunicado.
E ruman di Nadia, esta Azul, como tambe e dos tigernan Amur y 3 lion Africano cu a mustra e sintomanan, ta spera cu nan lo recupera completamente, e zologico a bisa. E bestianan tabatin perdida di apetit pero “ta bayendo bon bou cuido veterinario y ta briyante, alerta y interactivo cu nan cuidado,” nan a sigui bisa. No ta conoci con e virus lo desaroya den bestianan manera tiger y leon mientras cu varios especie ta reacciona diferente na infeccionnan nobo, pero e bestianan lo ta monitoria di cerca.