Diabierna a tuma luga e entrega simbolico di e 10 brommer na Cuerpo Policial. Minister di Husticia, Andin Bikker, a comenta di ta hopi contento cu despues di mas di 10 aña e Motor Unit ta haya brommernan nobo.

Den cuadro di e filosofia di Gabinete Wever-Croes, cu e ser humano ta central, ta percura pa tur dienst, ora cu nan tin mester di material asina cu duna indicacion di esaki, ta haci maximo esfuerso pa yega na esaki tambe.

Cuerpo Policial tin 10 brommer mas pa yuda combati criminalidad

Cuerpo Policial tin 10 brommer mas pa yuda combati criminalidad. Click link pa mas https://24ora.tv/337HMB7

Posted by 24ora on Friday, November 22, 2019

Despues di a warda algun luna, e brommernan a yega. Gobierno ta gradicido na George Cycle Center pa su esfuerso. Ya caba tin tres unidad cu a pasa den e periodo di pueblo. Ta gradici Hotel & Security Foundation cu a busca esakinan, den cooperacion cu Gobierno, cu e motor unit a test drive nan. Y awor aki a busca 10 unit mas. Esakinan ta bay percura pa mas siguridad den trafico, siguridad y visibilidad di KPA riba nos careteranan y asina ey pa e siguridad tambe di nos pueblo y nos bishitantenan.

George Vieira di George Cycle Company, a comenta di ta hopi contento cu Cuerpo Policial a dicidi di bay cu brommernan marca Yamaha. Ta motorcycle hopi moderno cu 4 cilinder 4 inline. E tin dryshaft, e tin dos bateria. Un ta pa tur e sistemanan di luz y e otro ta pa e brommer mes, si en caso cu nan ta bezig canto di caminda yudando den accidente of guia trafico. Si e bateria di e luznan por a baha, tin e bateria di e motorcycle ora di start’e ta charge e otro.

Tambe nan ta bin cu un traction control, caminda ora ta duna gasolin na e vehiculo y ora primi trot duro pa sigui un hende, normalmente e tire ta spin.Cu e traction control ta regula pa e no spin. E ta gara y yega di 0 pa 100 kilometer den un rato hopi mas lihe, compara cu un otro cu no tin traction control.

E brommernan aki ta hopi practico. Ta cosnan cu ta uza den caredanan di circuito cu ta pone den brommernan awendia fuera di diskbrake y tur e otro cosnan.Tambe tin hopi cos cu sensor den e brommer, cu ora nan bin service, ta riba laptop ta service nan y check tur cos diferente caminda cu tin diferente sensor.Nan lo keda den super bon condicion pa hopi aña, si nan wordo bon cuida.

E cambio

Pa hopi aña Cuerpo Policial tabata uza brommernan di marca Harley Davidson. Y awo nan a switch pa Yamaha. Vieira a comenta cu tin varios modelo di Yamaha den brommernan policial. Ta mescos ora di cumpra un sapato, ta cumpre na e size di e pia. Nos curpa, compara cu Hapon y otro luga, nan ta uza un 125 of 250. Curpa di nos hendenan ta tiki mas grandi y tiki mas peso, ta cumpra e brommernan na e size di e hendenan cu tin. E brommer 1300 ta wordo hopi uza na Francia, Hulanda, hopi pais Europeo y Aruba no a keda atras tampoco.

Servicio

Ya caba desde 2001, George Cycle tabata service e quadracernan di visibility Team te cu dia di awe. Automaticamente, e brommernan aki tambe lo drenta den e service ey.

 

Comments

comments