Cuerpo Policial a score formal hayando arma y plantacion di marihuana

Awe diamars den oranan tempran Recherche di Sta Cruz, conhuntamente cu Ministerio Publico a haci diferente detencion. Ta trata di un investigacion andando di caso di arma di candela. A haci entrada hudicial na 3 diferente cas. E adresnan ta Noord Cura Cabay, Rooi Koochi y Washington.
A detene 3 hende homber y 1 hende muher di cual 2 ta Arubiano, 1 Jamaiquino y 1 Venezolano.
Durante e entreda hudicial a confisca 2 arma di candela y a bin descubri diferente plantacion di marihuana.
E departamentonan cu a forma parti den e entradanan hudicial ta AT , K-9, BFTO, departamento di droga y personal di recherche Sta Cruz.
Cuerpo Policial ta sumamente satisfecho cu e resultado. No ta descarta cu lo por tin mas detencion relaciona cu e caso aki.
Ta pidi pueblo pa keda duna informacion na tiplijn 11141. Bo anonimidad ta garantisa.