Cuba ta nenga di saca disidentenan di e pais via Guyana

Eliecer Góngora Izaguirre

Loke cu a hala atencion den noticia internacional ta e expresion di un mandatario Cubano, kende ta nenga cu nan ta manda disidentenan di e regimen Cubano den exilio. Esaki ta pone e atencion di biaha riba e caso di Aruba Airlines cu tabata den noticia ultimo dianan.

Di acuerdo cu Minister di Relacionnan Exterior dr. Karen Cummings, Gobierno Cubano a nenga sugerencianan cu nan forzanan di siguridad ta exiliando disidentenan pa Guyana.

E mandatario Cubano ta bisa cu el a mira e informenan den prensa local y internacional cu ta sugeri cu e practicanan aki ta tuma luga y cu Gobierno “basicamente a nenga esaki” y cu autoridadnan Guyanes tambe ta na altura di e kehonan ey.

Eliecer Góngora Izaguirre

E ta bisa di ta na altura di diferente Cubano na Guyana, kendenan a biaha pa e pais ey pa haya un visa pa drenta Merca “pero nos ta buscando e personanan cu a declara cu ta obliga nan a bay den exilio. Nos no a mira nan,” el a declara via di telefon. Cummings mes no ta na Cuba y a priminti cu e lo duna mas informacion  detaya di e situacion ora cu e yega Cuba.

Cummings su declaracion a haya apoya di Minister di Ciudadania Winston Felix, kende a indica cu tin solamente un caso cu nan ta na altura di dje y e caso ey ta bou investigacion door di polis.

“Nos no ta na altura di persona cu a bay den exilio. Nos sa di un persona, kende a declara asina y esey ta bou investigacion. Si tin otro nombernan, Inmigracion lo mester duna e informacion na yegada,” Felix a indica.

Defensor di Prizoneronan, un organisacion no-gubernamental (NGO) cu conexion na e grupo opositor mas grandi di Cuba, a identifica Guyana como e principal localidad pa unda e siguridad di estado Cubano ta exiliando disidentenan den un intento pa debilita oposicion na e isla.

Den un conferencia di prensa e NGO a papia di un informe di 259 pagina cu ta menciona 35 activista, periodistanan independiente y artistanan kendenan ta bisa autoridad a forsa nan bandona e pais e ultimo dos añanan, cu e  mensahe pa nan no bolbe nunca mas.

E NGO, segun Reuters, ta liga cu Union Patriotico di Cuba (UNPACU) cu a lanta aña pasa y ta registra como un organisacion di derecho humano no-gubernamental.

E informe di Reuters riba e conferencia di prensa ta señala cu mas cu un tercera parti di e 26 activistanan kendenan a reacciona riba e encuesta online di e NGO a bisa cu Forzanan di Siguridad a escolta nan pa aeropuerto y forsa pa bay den exilio.

“A duna algun nan “boarding pass”, tipicamente pa vuelonan pa Guyana unda cu Cubanonan por haya nan visa turistico na nan yegada, y placa pa nan prome luna,” ta menciona.

Segun e NGO, esnan manda den exilio ta bisa cu a menasa nan cu prizon, of persecucion di nan famia, si nan no bay for di e pais.

“Nos a haya un variacion di caso. Casonan unda cu activistanan no por wordo kibra y ta pone nan riba avion, casonan unda cu activistanan tin un punto debil, via di nan yiu of mama, y nan ta ataca fuerte, causando cu e activista ta “give-up” y ta bay Guyana,” asina representante di Defensor di Prizoneronan Cubano y miembro di UNPACO Javier Larrondo, a bisa den un conferencia di prensa for di Madrid.

Un di e activistanan menciona den e informe di diaranson ta Eliecer Góngora Izaguirre, kende a combersa cu Reuters via telefon for di Costa Rica y a indica cu siguridad di estado a escolte pa aeropuerto pa subi un vuelo pa Guyana den luna di februari, forsand’e pa laga su casa y cuatro yiunan atras.

“Mi a trata di yega Merca pasobra esey ta e pais cu mas siguridad ta ofrece, el a bisa.

Prome cu esey el a pasa seis (6) luna den prizon y su famia mester a soporta continuo persecucion pa su trabou como activista den UNPACO, a kita e cas for di nan y su yiunan a bira victima di termento na scol, el a agrega.

Góngora Izaguirre a bisa cu for di Guyana, el a crusa e frontera pa Brazil y Peru, for di unda el a cuminsa su biahe den bus y na pia direccion nort, via di jungla y riunan pasando Ecuador, Colombia, Panama pa yega Costa Rica.

Esaki ta e caso cu a wordo menciona recientemente aki na Aruba. A specula cu Aruba Airlines ta esun cu a transporta e persona aki pa sak’e di Cuba. Pero Aruba Arlines a bisa cu nan no tin ningun tipo di cooperacion cu Gobierno Cubano pa tipo di casonan asina. Wholesalernan, cu sede na Miami, ta bende nan ticketnan, mescos cu otro agencianan di biahe.

Comments

comments