Cuatro persona mas certifica den “Emergency Medical Response”

Diaranson un grupo di Lite Life Medicab N.V. a ricibi e certificado cu ta certifica cu nan a finalisa un curso di “Emergency Medical Response”.

Tabata trata aki di un curso di 80 ora, segun standardnan internacional, cu a bay bou guia di instructornan di Instituto Medico San Nicolas (IMSAN), esta sres. Joshua Hoek y John Tromp. E dos personanan aki tin nan certificacion internacional pa por duna e tipo di cursonan aki.

Esnan cu a ricibi nan certificado awe diaranson tabata Wilfrido Henriquez; Nathalyen Thomas; Shakeem Bernabela y Alexander Kock. Palabra di pabien ta bay na e grupo aki.