Diaranson atardi alrededor di 4:00 pm a sosode un accidente cu varios persona herida na Tanki Leendert. E accidente a sosode net tegenover di Rococo Plaza. E autonan envolvi ta un Mitsubishi Lancer un Suzuki hatchback color shinishi.
E Mitsubishi pa un motibo of otro no a paga tino y a dal tras di Suzuki. Un total di cuater persona a resulta herida, tanto den e Mitsubishi como e Suzuki. Den nan, mucha y hende grandi. Un total di tres unidad di ambulance a presenta pa atende cu e victimanan herida. Na final a transporta nan pa hospital pa ricibi atencion medico avansa. Polis di trafico tambe a presenta pa atende cu e accidente, aunke cu daño material tabata minimo.
