Net prome cu 2or di marduga a sosode un atraco riba un trahado pafo di Save More situa na San Nicolas. E miembro di siguridad tabata cuida e localidad ora cuater homber bisti na preto cu cabey rasta a yega cerca. A pidi’e pa awa y djey a dal’e. E Security Guard a bati alarma mesora na Polis. E ladronnan a logra kita su rugtas y tambe a bay cu su cartera.
Den su rugtas e tabatin documentonan personal. Den su cartera e tabatin algun documento personal tambe y cinco florin pa coy bus pa yega su cas na Playa. E atracadornan a core bay na pia. Polisnan a yega mesora y a atende cu e victima. El a splica tur loke a sosode. E chens ta grandi cu camara di siguridad a graba tur cos.
E victima di atraco a keda traha pa asina por cumpli cu su orario di trabou completo despues di e atraco. E ta baha warda 7or di mainta.