Ayera Departamento di Duana a suspende no menos di cuater Duanero trahando na waf di Barcadera. A cuminsa cu un investigacion disciplinario interno contra nan. Ta trata di dos Duanero masculino y dos femenino. Tur ta encarga cu un funcion di hefe cu rango mas halto cu otro.

For di luna di mei caba un arma di candela di trabou a disparce. Pero na juni a dicidi di investiga y cu si e arma no aparece, lo tuma medida.

Cuater Duanero suspendi pa arma di candela perdi na Waf di Barcadera

Posted by 24ora on Saturday, September 7, 2019

Den e investigacion interno a dicidi di suspende e hefe di Duana na waf di Barcadera, un hende homber, mientras a suspende tambe e hefe interino di Duana na Waf di Barcadera, cu ta un dama. Ademas di e dosnan aki tin dos dienstleider cu a ser manda cas pendiente e investigacion. Un di nan ta un dama y e otro ta un hende homber cu pa colmo ta Presidente di e sindicato di Aduana.

E arma cu a disparce ta un Glock manera esun di Polis. Pa hopi tempo Duaneronan na Barcadera tabata pidi arma pa por traha y protege nan mes na pia di trabou. Kico a bay robes exactamente no ta conoci, pero falta un arma di candela cu ta pertenece na Cuerpo di Aduana. Aki un caminda e control y responsabilidad pa carga arma a bay robes.

A investigacion andando ta interno, pues no por bisa ainda cu e cuater Duaneronan aki ta culpabel of a coy e arma. Solamente nan tin un funcion di responsabilidad cu mester a percura pa tin e control y evita cu e arma a disparce misteriosamente. Si e investigacion interno revela cu tin un culpabel, e ora lo pasa e investigacion penal pa Landsrecherche.

Comments

comments