Diadomingo pa mas of menos 1 or y mey di merdia Polis a detene un chauffeur bebi cu tabata moviendo cu auto riba caminda. E chauffeur hasta tabata hasta fastioso y mester a pidi pa manda dogcatcher rapido na e sitio.
Ora cu Polis cu dogcatcher a bandona e sitio, personanan a yama polis pasobra tin varios hende ta buscando problema poco mas pariba di Cen’s Supermarket. Polis a yega haya nan mes den un bululu. Hendenan a lanta cu Polis y refuerzo tabata necesario mesora. Varios unidad di Santa Cruz y otro distritonan a presenta mesora na e sitio. Otronan cu tambe a cuminsa causa problema a keda deteni.
Tabata insulta clientenan y hasta a tira mokete. E persona agresivo tabata mustra bou influencia y Polis a bay atende cune mesora tambe na su auto. A bay tera cune mirando cu e no kier a razona. Mester a tira klop tambe. En total tabata tin cuater detencion di hombernan agresivo. Tur a wordo hiba warda pendiente investigacion.