Diahuebs anochi algo pasa di 8:30 gay cora a canta den area di Esso Ville. Bisiñanan a scucha sonido di manera un explosion. Varios habitante tabata spanta, a sali pafor di nan cas wak vlam ta bay halto den area di e pompstacion.
Dos unidad di brandweer a mobilisa pa e sitio. A resulta cu ta candela den un cuarto di palo den cura di un cas.
E candela a kima e cuarto y un pickup completo. Bomberonan a domina e candela den un rato. No tabatin herido.