E aña aki Aruba Doet mester a tene nan proyectonan di yuda organisacionnan, pero a pospone esaki. Pero SV Bubali a activa bek locual Aruba Doet a ofrece nan di haci. E trabounan aki mester a tuma luga na comienso di aña, pero door di COVID-19 tur cos a para.
Cu cooperacion di hopi hende, SV Bubali a dicidi di drecha e club unda ta verf e parti pafo. Segun Nick Quandus, Secretario di SV Bubali, nan a haya bon cooperacion di empleadonan di Hilton y ta gradici pa esaki. Nan a ricibi diferente material pa por caba di drecha e club. E ta gradici Aruba Doet pa duna sponsor diferente organisacion na Arub, pero tambe tur cu a coopera cu nan.
Tur aña Aruba Doet tin su programa na luna di maart, unda cu companianan boluntario y boluntarionan individual por yuda organisacionnan, scolnan cu a inscribi den esaki. Esaki ta di 4 biaha cu SV Bubali ta participa y cada biaha nan ta drecha algo diferente. Cada aña nan ta haci bon uzo di loke Aruba Doet ta brinda nan.
