Diasabra un biaha mas Aruba a mira accion den Little League Baseball. Den e partido aki Chinese Taipei a logra impone su mes riba e team di Aruba, den un partido cu a mustra e calidad y disciplina di baseball Asiatico contra di e gara di e entusiasmo Caribense.
E ekipo di Taipei a destaca pa su efectivo pitcheo y defensa solido, mientras cu e Arubianonan a duna bataya cu momentonan ofensivo cu a pone e fanaticonan lanta para. Sinembargo, nan no a logra suficiente careda pa a empata e parti te pa bay ariba.
Aruba tabatin varios oportunidad, pero lastimamente no a a sa di probecha di esakinan. Un eror di tercera base, den un momento di confusion, a tira primera base lubidando cu e tabatin coredo na tercera. Algo cu a sorprende e hungado di primera base, Anthony Santos.
A pesar di e derota, e ekipo di Aruba a gana e respet di tur esnan presenta pa su entrega y e pasion cu cual el a representa nan isla riba escenario internacional. Pa Chinese Taipei, e victoria ta mantene nan firme den e buskeda di e campeonato, reafirmando su tradicion como un di e potencianan historico den Little League.
