E crisis general a afecta negoshinan tanto economicamente como eficientemente. E barberonan a haya nan mes den tur vinculo pa loke ta referi nan ofishi. E barberonan a keda sin traha pa casi 2 luna y mey, pero awo D’Swing Barber Shop, situa den Oldenbarneveltstraat 2, a habri su porta bek.
Jeffrey Peña di D’Swing Barber Shop a bisa cu nunca cosnan ta keda di un movecion. Na cierto punto e crisis a afecta nan economicamente, pasobra tabatin un stop demasiado largo. Pero pocopoco tur cos ta sigui. P’e barbershopnan por a habri nan mester a aplica e medidanan di e normal nobo. Segun Peña, nan a haci e cambio caba.
E medidanan aki a pone nan bay riba un ritmo cu a hiba nan pa ta pendiente di higiena, glacial, alcohol. Tin hopi factor cu ta beneficia nan den tur sentido pa loke ta e area di trabou y ekipo. E ta algo cu ta causando pa nan y henter pueblo un cuido drastico entre hendenan mes. Tur esaki door di mantene e distancia, higiena, e mannan, etc. etc.. E ta algo cu ta beneficia nan pa nan propio cuido.
Segun Peña, e cosnan semper lo sigui den movecion, pero nunca mesun cos. Bisando esaki kiermen tanto den personal como compañero, e pueblo Arubano, ta algo cu lo causa hopi atencion. E atencion ey por causa miedo, pero no mester ta asina. El a sigui bisa cu tur hende mester cuida otro, pa mantene otro y conserva otro. Tambe pa tur hende crea un proteccion pa nan mes y otro pa cosnan por sigui den futuro y no stop. Pa semper ta den movecion y nunca mescos.
