Cu pistool di awa atracadornan bay cu 800 florin di benta di number

Victima di atraco ta conta: Cu pistool di awa a bay cu 800 florin di benta di number

Posted by 24ora on Tuesday, April 16, 2019

No ta mucho rato pasa un atraco a tuma luga na Dakota, caminda un atraco a tuma luga. Por a mira cu helicopter di polis tabata bulando. Despues di mey ora cu e atraco a tuma luga e helicopter a sali.

Albert ta victima di e atraco den e luga di number. El a conta cu e atraco a tuma luga pa 8’or y 27 di anochi. Net ora cu el a caba di paga e sistema, el a bay hinca e tas di placa for di otro tas. Tabata dos hende. Un di nan a drenta den e luga, coy e tas y a bay cun’e sin bisa nada. Nan tabata arma cu skopet di awa.

Albert a conta cu el a bay yama polis. Ora cu el a bay wak unda nan ta, e no a mira nan. No tabata tin camara tampoco.

Segun Albert tabata tin mas of menos un tiki mas cu 800 florin. El a conta cu e homber a saca e arma mustr’e. El a pone e skopet na su cabes y pa dun’e e tas. El a reconoce cu e arma ta uno di hunga. E no a resisti pasobra e no kier riesga su bida. E atracador no a haci’e daño. Polis en todo caso a yega mesora. Segun Albert, ta prome biaha e ta wordo atraca. E mes tin 3 pa 4 aña ta bende number. E no a logra reconoce nan.

Atraco team tambe tabata tey presente, pa nan haci nan investigacion.

Comments

comments