Cu of sin Coronavirus: Aruba mester keda cu cabes riba awa!

1928

Aruba ya a yega di lucha caba cu problemanan economico antes, manera nos por corda e desaparicion di Natalee Holloway, e crisis financiero mundial y e cierre di refineria na varios ocasion. Pero e biaha aki e ta diferente, ya cu ta rekeri di e mandatarionan pa mitiga e impacto economico di un crisis inusualmente desafiante. Aunke e situacion por parce manehabel, e brote di COVID-19 a afecta, den un momento di vulnerabilidad economico hopi mas serio, tanto otro paisnan como Aruba tambe, compara cu e crisisnan anterior.

Rond di 87% di nos economia ta depende directo of indirectamente di turismo, loke ta converti Aruba den un di e paisnan mas concentra den turismo na mundo. E enfoke den e industria di turismo como strategia di crecemento lidera pa exportacionnan den e banda posterior a sirbi e isla bon, ya cu e industria a demostra di ta notablemente consistente y resistente y a impulsa un crecemento economico fuerte.

Esey no kiermen cu no tin problema na caminda. Teniendo na cuenta cu e turistanan Mericano ta representa casi 70% di e stayovernan, nos economia ta particularmente sensibel na e ciclo economico Mericano. Esaki ta evidente particularmente despues di e crisis financiero mundial y e desaparicion di Natalee Holloway.

De facto, tin un yamada constante pa diversifica nos economia y diversifica e mercadonan di origen di turismo pa mitiga e riesgonan. Mester bisa cu ningun di e dosnan aki lo tabata particularmente util pa un evento similiar na e “black swan” manera COVID-19. Un caracteristica di COVID-19 ta cu ya el a plama na e otro sectornan y na e economia global. E economia mundial tabata debil ora cu COVID-19 a lanta cabes. Si e refineria di petroleo lo a mantene activo te cu Coronavirus, lo a enfrenta un caida den e prijsnan di petroleo y e previsionnan di prijs di petroleo na $30 pa bari pa e di tres trimester y $29 pa bari durante e di cuater trimester di 2020.

Prijs di petroleo

Simplemente no tin manera di conta cu e industria di refinacion pa mantene e actividad economico den e entorno aki y hasta si islanan chikito manera Aruba (apesar di e desbentahanan natural) tabatin exito den nutri otro industrianan, ta dificil imagina pa nan scapa di un recesion global.

E diversificacion di e mercadonan di origen di turismo tambe ta aparece como un propuesta dudoso, teniendo cuenta e lucha actual di e mercadonan di origen mas grandi despues di Merca (Venezuela, Canada, Colombia, Hulanda). Tur di nan a confirma casonan di COVID-19 caba. Cu un recesion global den e prome mita di 2020, cu ta parce casi sigur, e implicacionnan pa un destino turistico di isla chikito, ta cu simplemente no tin diversificacion leu di dje.

E ambiente domestico tin su propio desafionan

UNWTO a revisa su perspectivanan pa 2020 di e yegada di turistanan internacional na un crecemento negativo di -1% pa -3%, loke ta traduci na un perdida calcula di 30 pa 50 miyon di dollar na ingreso door di turismo internacional. Prome cu e brote di COVID-19, UNWTO a predici un crecemento di 3% pa 4%. Na final, e epidemiologonan lo bay tin e ultimo palabra riba e final di e wega pa COVID-19 y si e evolucion rapido di e situacion, ta obviamente imposibel bisa cu siguridad cuanto turista potencial lo keda cas durante un brote pa evita bira malo na luga di biaha pa Aruba. Pero ta cla cu e ingresonan di exportacion lo wordo someti na un presion significativo ya cu e nivelnan di ocupacion hotelero ya a disminui den e prome dos lunanan di 2020 y e cancelacionnan/restriccionnan di biahe ta bira mas comun.

Mester cuida nos divisanan

Di un otro banda, mester pone atencion na e efectonan indirecto riba e ingreso di divisa y e reservanan internacional, e importacionnan y e situacion Fiscal di Gobierno. E ingresonan menos di exportacion ta conduci na menos divisa. Ta lo mas importante loke ta permiti e islanan dependiente di importacion pa mantene su apetit pa cumpra practicamente tur cos den exterior, specialmente alimento. E ultimo informacion publica riba e reservanan oficial di Banco Central (CBA) ta bisa nos cu tabata na 1,822.2 miyon di florin na fin di september 2019. Sin embargo, e pregunta ta inminente, den ki medida e  nivel aki di reserva lo proporciona un corchon pa resisti e slanan eminente?

Si ta bon, tradicionalmente Banco Central a raporta e “indice di cobertura di importacion”, loke ta nifica e cantidad di luna cu hipoteticamente lo tuma nos apetit di importacion pa agota asina por completo e reservanan den ausencia di ganashi di exportacion, e respuesta ta sigui ta dificil di alcansa. E informe operativo 2018 di CBA ta señala: “E nivelnan di reserva internacional a mantene adecua durante henter 2018, ora cu a compara cu e normanan critico tradicional di CBA. Sin embargo, compara cu e rekisitonan di e Fondo Monetario Internacional (IMF), Aruba no ta cumpli cu e rekisitonan optimo recomenda.

Ta importante tene na cuenta aki cu no tin un mencion directo di cua ta exactamente e nivel “adecua” segun Banco Central di Aruba. Pero IMF a adverti den su evaluacion di 2019 contra e presion y a recomenda Aruba pa acumula reservanan internacional adicional pa mantene suficiente intensidad. Na fin di dia, si Aruba por resisti e chokenan climatico manera COVID-19 ta depende di manera crucial di su capacidad pa retene suficiente dollar pa paga e importacionnan y e nivel di reserva internacional den caida mester considera como un preocupacion importante. 

Crecemento economico e aña aki?

Prome cu e brote di COVID-19, Banco Central ya a proyecta cu e crecemento di GDP real lo ta di un margen di 0.8 porciento pa 2020, loke ta subraya e fundamentonan debil prome cu COVID-19. Ademas di e desaceleracion economico directo, esaki tambe lo afecta e capacidad di Gobierno di Aruba pa genera ingreso, ya cu e actividad economico cu ta keda atras probablemente lo duna como resultado ingresonan fiscal mas abao.

Aunke e presupuesto proyecta pa 2020 di Gobierno di Aruba ainda no a wordo aproba pa Parlamento, e surplus proyecta inclui den e presupuesto ta supone un crecemento economico di 1.0% nominal. Awor cu e circunstancianan recien, esaki probablemente lo enfrenta un ahuste significativo abao, loke ta nifica cu e ingresonan presupuesta di Gobierno pa 2020 (y posteriormente e surplus premira) probablemente lo converti rapidamente den restriccionnan di likides y un deficit significativo!

Nos ta den posicion pa crea mas debe?

Si ta di algun comodidad, e nivel di debenan tambe a manifesta su mes recientemente na nivel mundial, hasta na Merca y Hulanda. Sin embargo, esaki tambe ta limita e alcance di un gran estimulo fiscal si e economia mundial mester di dje. Na Aruba, deficitnan tabata e norma y e dinamica entre Gobierno di Aruba y e conseho independiente di supervision financiero (CAFT), lo ta un desafio si e prome aki opta pa aumenta ainda mas e debe publico pa stimula economia local.

Algun opcion pa considera

No tin duda cu COVID-19 lo tin un impacto significativo. Pero e escala di e impacto lo ta determina den ultimo instancia pa con e ta wordo propaga y evoluciona e virus como tambe pa con Gobierno por coordina un contesta pa mitiga. Nos mester di un plan di contingencia inmediato, cu ta considera e desafionan economico, monetario y di e sector real p’adilanti.

Aki tin algun opcion pa por considera:

Tin poco opcion mas cu bandona e prudencia fiscal dilanti un shock externo di tal magnitud. Esaki por implica reduccion di e plannan pa medidanan adicional y prioridadnan fiscal actualisa na nivel di Reino Hulandes.

  • Un pakete di estimulo fiscal den siguridad di alimento (ODS 2) pa reduci importacion y e presion riba salida di divisa
  • Transparencia y informacion oportuno riba balansa di pago y e posicion di reserva internacional lo ta crucial den cualkier scenario
  • Ta posibel cu mester considera medidanan di control di capital adicional
  • Hunto cu IMF, Banco Central mester ta cla pa proporciona un likides amplio na banco y companianan financiero no bancario, particularmente na esunnan cu ta otorga prestamo na empresanan chikito y mediano, cu por ta menos prepara pa soporta un interupcion diripiente

Ban sigui promove turismo y mas agricultura na cas mes

E promocion di turismo y e asignacion di fondonan di comercialisacion mester wordo revisa pa evita cu ta for di base. E sector di agricultura mester ta e beneficiario di e estimulo pa aumenta produccion local di alimento a corto plazo. Mescos cu hopi otro paisnan den desaroyo, nos ta den un boto chikito cu lo wordo golpia pa olanan halto. No ta envidia e politiconan local responsabel; Ta desea nan sabiduria y curashi pa manten’e ta drief.

Comments

comments