Parlamentario Marisol Lopez-Tromp a menciona cu pa loke ta e website di Inspectie Volksgezondheid (IVA), pueblo tin un accesibilidad extra cu esaki. Ya e instancia ta accesibel pa loke ta edificio, pero tambe ta importante pa tin e acceso digital y muy en particula pa e hendenan sa kico nan por haci por medio di Inspectie Volksgezondheid.
Tambe ta importante e idiomanan, cu ta bon pa e ta, pasobra den practica hopi hende ta pidi pa no solamente Hulandes, cual naturalmente ta e idioma cu hopi documento ta skirbi, pero tambe otro idiomanan. Pronto Parlamento lo ricibi IVA pa un reunion hunto cu e comision di salud, y ta pendiente pa e encuentro aki. Ta importante pa Parlamento ta bon informa, e parlamentario a splica, di e trabaonan cu IVA ta haci y tambe en particular, si ta necesario, pa cambia leynan di pais Aruba, cu ta facilita e trabao y tambe cu por yuda comunidad di Aruba.
