Cu lagrima di gradicimento e comunidad ta ricibi e boluntarionan di Fundacion Ajudo

Un trabou increiblemente dushi y satisfactorio di por yuda bo comunidad ta locual Gigi Raven ta conta riba su tarea como boluntario den e grupo Ajudo.

Cada boluntario ta pone nan curason den nan trabou y ta algo cu ta gradici grandemente. E ora cu nan ta deposita y e famia cu ta brindanan e sosten di forma parti di e oportunidad di por fungi como boluntario den un tempo asina dificil di crisis pa por sali y yuda e pueblo.

Mas di 400 famia a ricibi bishita di Ajudo na Aruba

Mas di 400 famia a ricibi bishita di Ajudo na Aruba

Posted by 24ora on Friday, May 29, 2020

Un proyecto cu a inicia cerca Anelotte y su amigonan a bira grandi, ta drenta hogarnan den nececidad caminda por wak e caranan di alegria, wowonan cu lagrima di alegria y gradicimento na cada boluntario. Varios ta esnan cu ta comparti e sufrimento cu nan ta pasa aden, ta conta cu nan tin dias sin come, muchanan cu ta drumi cu stoma bashi den situacion di tristesa y esaki ta cambia den alegria na momento cu e ayudo ta yega cerca nan. Pa e boluntarionan esaki ta e meta.

No solamente ta observa e nececidad cu propio wowo , pero tin un grupo cu ta haci screening, como tambe adresnan fiho cu ta bishita pa asina garantisa cu esnan cu no tin nada di entrada ta esnan cu lo ricibi e yudansa.

Actualmente tin hopi fundacion cual ta gradecido cu por traha hunto cu nan, pero Fundacion Ajudo na Aruba su meta ta pa brinda asistencia na esnan cu tin zero entrada.

Na e comunidad cu ta desea di haya mas informacion y/o mester di asistencia por subi e website: www.ajudoaruba.com y yena e formmulario cu tin pa asina por tuma contacto cu nan.