Diadomingo anochi, despues cu e parada grandi di Playa a yega su recta final, tur hende a reuni, hunto cu Rey Momo den Harbour Arena, caminda cu nan a kim’e, bisando asina oficialmente Ayo, na Carnaval 65.
Tur reina, prins y pancho y demas carnavalistanan a bin hunto cu un publico gigantesco, pa asina tende e credo di Rey Momo y finalmente cend’e na candela.
Bandanan tabata para cu nan trailer rond di Rey momo, pa asina rindi’e e ultimo tributo, pa despues nos drenta diaranson cu e temporada di Cuaresma.
Tabata manera un concierto masivo di bandanan di carnaval cu a sa di pone e ultimo ambiente den Harbour Arena. Sigur tabata un temporada sumamente exitoso y luhoso pa tur esnan cu a participa.
Carnaval, ayoooo.