Den e temporada cu a pasa, Caribe tabata tin un problema grandi na Jamaica. Jamaica tabata tin un brote grandi di dengue, segun hefe di GKMB, Luis Chong.
E sangura Aedes Aegypti, e sangura cu pata blanco, ta transmiti tur tres malesa, esta Dengue, Chikunguya y Zika.
Apesar di tur cos, e ta bisa, Aruba toch ta tiki bendiciona cu esaki no a plama pa e otro islanan. Por lo general tin na Brazil, tin tambe un brote, pero esey ta di malaria, cual na Aruba no tin problema cun’e. Ta premira si cu e ciclo di Dengue, un di e añanan aki, lo bin bek.

Departamento di Salud Publico ta prepara pa temporada di sangura
https://24ora.tv/2WkZbTz

Posted by 24ora on Saturday, June 8, 2019

 

Ta ripara cu semper despues di hopi aña cu no tin problema cu Dengue, semper tin un temporada cu por bin hopi transmision di e malesa aki. Semper ta premira y prepara por si acaso algo asina presenta na Aruba.

Bao di control

E zona hotelero ta bao di control. Tres biaha pa aña ta controla tur e hotelnan. Ta un proyecto cu tin tur aña. Tin bon cooperacion cu AHATA y cierto di e hotelnan, cu asina cu nan haya un molester di sangura of ta ripara cu tin algo, ta yuda nan. Tin cu bisa cu e parti di hotel, ta haya hopi bon cooperacion di nan, door cu nan mes ta mantene nan terenonan hopi limpi, hopi liber di criadero. E parti cu GKMB ta percura p'e ta e parti di e saliña of e parti di e rooi cu ta core memey di e dos camindanan di Sasaki. Ta percura pa controla esakinan y ultimo tempo a ripara cu tin pisca chikito den nan, cual no ta hayando problema ultimo tempo.

GKMB innovando

A haya algun trahado extra na GKMB. Ultimo tempo ta ekipando e team pa haci e trabao aki. Ta innovando cu mashin nobo y tambe ta purba di innova e trabao door di busca otro manera di traha. Ta compronde cu bishita na cas tin biaha no ta full efectivo, door cu mayoria di e casnan tin biaha ta cera durante oranan di trabao. Pero ta purbando di otro manera pa busca otro tipo di haci midimento di molester di sangura, door di pone traps den bario, por yega nan propio conclusionnan, den cua bario tin mas problema, si of no. Esaki ta algo cu ta purba di innova riba dje, pa por brinda miho servicio na comunidad.

Comments

comments