Cu cierre di refineria e benta di Condoom tambe a cay drasticamente na Famia Planea

Den e ultimo añanan, benta di condoom a drop hopi, pa motibo cu e impacto cu a sinti di Valero, pasobra un biaha mas, FFP tambe ta un di e proveedornan di e barnan cu ta cumpra nan condoomnan cerca nan na un prijs hopi relativamente abao.

E impact cu e ciere di e refineria tambe ta sinti’e, pasobra eynan ta unda cu nan tambe ta providor di e barnan. Comparando e otro aspecto di e hoben y adultonan, e cliente regular, e cliente diario, FFP a bin cu un otro sistema di acerca nan pa stimula e uzo di condoom. Eynan ta wak un crecemento. Un biaha mas, anualmente door di e impacto di Valero, bo ta wak cu a bay basta atras den e distribucion di condoom.

 Manera di diferencia

Ta split e distribucion aki, pero anualmente ta mira cual ta esaki den su totalidad. Eynan ta wak cu a bay un poco atras door di e aspecto eynan. Pero si wak e uzo individual, ta wak cu tabata tin un crecemento pa e motibo di approach. Hopi hende no kier bin registra. Tin hende kier bin over the counter y cumpra nan condoom asina ey. E prijs ta hopi abao. Pa 4 florin por haya un dozijn di condoom. Sin cu bo tin cu registra. Atrobe tin diferente otro opcion tambe. No tin solamente e condoom regular, pero di sabor, cu por brinda mas opcion na e hoben, pa stimula e uzo di condoom. Hopi biaha e pensamento, e tabu di no uza rubber, e ta hole malo, e ta daña full e vibe. Ta purba di wak kico ta e posibilidad pa por drenta pa haci’e pa nan, mas placentero y pa stimula e uzo tambe. Pesey den transcuros di aña a bin cu e flavor condoms, y durante carnaval semper ta bin cu sorpresa. E ta pa stimula e uzo di condom pa mira cu por haci e double dutch. Ta hopi importante e uzo di double proteccion.

Cu double proteccion no ta solamente dos condom, sino condoom den combinacion cu de pil, of cu hangua, etc.

 Bahada

E directora di FFP ta splica cu ta bezig cu e porcentahe, pasobra e barnan na San Nicolas tin un organisacion cu a lanta y ta den tramite cu nan, pa kico ta e manera pa sondea pa yuda nan miho y traha den un miho manera, pasobra antes no tabata asina. Awor aki e barnan a cuminsa uni pa nan por beneficia e clientenan y tambe pa nan por tin un miho maneho. Ya tabata tin e prome contactonan caba y den 2018 na comienso, ta bay sinta hunto pa wak con por wak kico ta nan necesidadnan pa nan por vul aan esakinan. E necesidadnan di e clientela y e necesidad di nan empleadonan. Esey ta bezig ta wak.

Un porcentahe cu a bay atras cun’e, no por bisa ainda pasobra no a cera aña. Sinembargo te awor aki ta bezig ta wak rond di 20% di e aspecto cu a bay atras di e barnan. No a cera December ainda. E suma completo no tin. Pero ta bezig ta sondea si caba kico ta e oportunidadnan cu por haci uzo di dje den 2018 pa atrobe no laga esaki sosode mas y wak con por toch yuda otro y traha miho cu otro.