Cu ayudo di Lotto, e campeonnan di Aruba su futbol Nacional lo participa na e Copa ABC 2017

Diaranzon atardi, Arubaanse Voetbal Bond – AVB a tene un conferencia di prensa unda nan a aunicia e ABC Cup 2017 cu lo tuma lugar e dianan 3 pa 5 november na nos hermana isla di Boneiro.

Pa hopi aña, AVB hunto cube federacionnan di Corsow y Boneiro ta den  combersacion pa rebiba pa loke ta antes conoci como e Copa Antiyano cu semper a bay entre e campeonnan di futbol di e tres islanan menciona. Despues di un proceso tog largo a bay di acuerdo pa cuminsa cu e Copa ABC entre e campeonnan di Aruba, Corsow y Boneiro.  E aña aki lo hunga e torneo, e ekiponan di RKSV Centro Dominguito di Corsow, SV Real Rincon di Boneiro y nos campeon SV Deportivo Nacional di Aruba mientras un ekipo mas di Boneiro lo hunga den e torneo pero esaki lo wordo anuncia despues.  M St. Fundacion Lotto pa Deporte ta contento di por a aporta na e tremendo iniciativa aki.  "Pa varios aña nos di Lotto ta aporta na e desaroyo di e futbol di Aruba hunto cu AVB. E federacion di futbol hunto cu su partnernan strategico ta trahando duro pa hiba e futbol local na un otro nivel. Ora nos di Lotto a wordo aserca cu e projecto aki nos no a duda niun rato cu esaki lo ta bon pa nos futbolistanan y e organisacion nan di futbol.

Nos por midi nos futbol cu nos islanan ruman y lo rebiba un di e temponan mas glorioso di e deporte rey", sr. Wernet a bisa. E la agrega cu su tata y legendario futbolista Candy Wernet den pasado mes a milita den varios Copa Antiyano y e tempo ey tur hende tabata biba cu e futbol. Mirando e desaroyo aki, Lotto ta masha contento di por yuda e campeon di Aruba, SV Nacional cu un suma substiancial
pa asina nan por participa na e torneo Copa ABC 2017.  Di parti Lotto nan ta desea Nacional tur clase di exito den e Copa ABC 2017 na Boneiro.