Diaranson atardi alrededor di 6:05 pm a sosode un caso peculiar. Chauffeur di un Toyota Yaris den pleno awasero a keda pega memey acera. E chauffeur no a nota e haltura di e acera y a keda pega cu su auto.
E señora tabata basta consterna y preocupa, pero cu yudansa di algun ciudadano, a logra pusha y saca e auto. Daño tabata minimo. E chauffeur tabata desgusta cu den pleno awasero tin cu stuur bay cas. E situacion aki a surgi dilanti di Island Finance den Emanstraat na Playa.
