Cu 0 caso activo: Gobierno mester dicidi pa caba ki dia ta habri Aeropuerto

2058

Gobierno di Aruba a anuncia algun siman atras cu lo habri nos fronteranan pa vuelonan comercial entre 15 di Juni cu 1 di Juli 2020.

Sinembargo a fechanan ta acercando y ainda Gobierno no tin fin di confirma e fecha definitivo. Esaki no ta algo responsabel mirando cu centenares di organisacion y negoshinan tin cu prepara adelanta pa por ta cla pa opera y ricibi turista. E no por ta aceptabel pa Gobierno duna un anticipacion asina cortico di por ehempel 1 siman.

E diferente companianan tin cu prepara stock/productonan, empleado, skema, limpiesa etc. Diferente di e organisacionnan aki y companianan ta urgi gobierno pa anuncia un fecha definitivo mas pronto posibel pa asina por ta bon prepara. Aunke na comienso e cantidad di turista ta limita, toch ta importante pa nan haya un bon experiencia ariba nos isla.