Cruz Cora: Paro temporalmente cu registracion pa asistencia cu cuminda

5538

Cruz Cora Aruba ta yuda personanan cu ta den dificultad financiero door di e crisis di Covid-19. Hunto cu Banco di cuminda nos ta duna asistencia cu cuminda pa personanan den necesidad. Ta hopi Arubianor a perde nan entrada den e tempo dificil aki. Nos ta compronde cu e hendenan aki mester apoyo lihe y pesei nos ta purba di yuda mas lihe posibel. Durante e ultimo simannan nos a hana hopi registracion pa asistencia cu cuminda. Un grupo grandi di voluntario ta procesa e peticionnan aki. Nos mester stop e registracion temporalmente pa ta sigur cu nos por trata tur peticion bon y asina reacciona mas lihe posibel.

Asina nos tin mas capacidad pa procesa e peticionnan, nos lo habri e registracion pa ayudo cu cuminda back. Nos lo anuncia e habrimento via media, nos website y social media. Na e momento aki nos ta dunando vouchers pa compras y cuminda cayente na 2.000 hogar na Aruba pa luna.

Di con nos mester tempo pa procesa e registracionnan?

Despues di un registracion, un voluntario/miembro di staf di Cruz Cora Aruba lo tuma contacto cu bo. E trahado di Cruz Cora lo haci bo algun pregunta riba bo condicion di bida, pa check si bo ta eligibel pa e ayudo cu nos ta duna. Den disaster of crisis, Cruz Cora su meta ta pa duna asistencia na esunnan mas afecta of mas vulnerabel prome. Nos ta trata di procesa esaki mas lihe posibel.

Nos tin comprension pa bo preocupacionnan den e tempo cu hopi stress aki, specialmente si bo no tin entrada financiero mas door di e crisis. Nos lo purba yuda e personanan eligibel mas pronto cu ta posibel.

Masha danki pa bo comprension.