Dialuna, riba dia di Himno y Bandera, Cruz Cora a tene su Charity Bazaar, un mercado pa adulto, pero tambe pa mucha.
Indra Anthony-Pereira, head of operations y marketing di Cruz Cora, a splica cu e Charity Bazaar su proposito ta pa recauda fondo pa e ayudo social di e instancia. E ta crea su mesun ingreso y esey ta uza bek den pakete di cuminda, ora cu hende mester di ayudo, etc.
Ta un manera pa recauda fondo pa ayudo social pa comunidad.
Cruz Cora tabata habri for di 10’or di mainta pa 3’or di atardi, caminda cu publico a bin. Fuera di esey, a invita publico completo, grandi y chikito, door di a publica den medionan di comunicacion y Facebook, pa nan bende tambe nan cosnan, manera buki, co’i hunga, obra di man, verf, cosnan cu nan mes ta ruim op, por ta ta cosnan cu nan no ta uza mas y otronan por beneficia di dje.
Den e parkinglot di Cruz Cora, tabata tin mucha cu tabata sinta abao riba laken, pone nan cosnan pa bende y e entrada ta pa nan mes. Asina ta siña e muchanan cu si nan tin algo cu nan no mester di dje, pero otro mucha si mester di dje. Ta bende e articulo, 1, 2, 3 florin. Por a ripara cu e muchanan a gusta e idea y na e mesun momento, otro muchanan ta bin y ta cumpra buki.
Tabata tin juffrouwnan di scol pa nan tambe traha riba nan schoolbibliotheek den klas y a cumpra yen di buki di mucha.
E muchanan a pasa leuk pafo y a siña con pa negosha un prijs. Ta siñando e muchanan con pa bende. Esey tabata e idea.
Tambe nan tabata tin algun cos di smaak, y tambe coi bebe. Esaki tambe ta pa tene nan mes como miembro di Cruz Cora activo riba himno y bandera y tambe pa bende den e Bazaar.
E Charity Bazaar nan ta tene henter aña y ta habri cuater biaha pa luna. Hende por bin y haci nan triftshopping. Hopi hende ta gusta esaki. Por ehempel bo ta cumpra algo, y bo no ta bisti’e mucho. Hopi biaha hende ta bin haci un donacion na Cruz Cora di paña. Apart nan tin nan ayudo social na Cruz Cora, caminda ta yuda comunidad, esnan cu tin mas mester. Ta tuma e pañanan cu ta haci donacion di dje. Ta recauda fondo tambe cu nan pa por yuda nan bek cu cuminda, etc. Na mesun momento si e persona bin pa ayudo, no tin manera, ta laga e cana den e bazaar y scoge e cosnan pa su famia cu tin mester. E ta fungi di dos manera.
E Charity Bazaar ta bende pa recauda fondo y alabes ta un warehouse, caminda cu ayudo di Cruz Cora, e persona cu tin mester, por scoge paña pe y su famia. Esey si ta habri mas cu un biaha pa luna.
Mirando cu ta dia di Himno y Bandera, y tin mercado, Cruz Cora a habri’e y awo por mira e resultado. Publico a acudi en masa y asina a haci un aporte na Cruz Cora.
