Minister Xiomara Maduro a reuni cu Aruba Food and Beverage Association riba nan preocupacion pa cu orario di toque de queda. Na final a priminti cu Crisisteam lo evalua y tuma decision riba nan preocupacionnan.
Tabata dialuna mainta cu Minister Maduro di Economia a reuni cu Aruba Food and Beverage Association pa asina scucha nan preocupacion y nan sugerencia pa e medidanan cu Gobierno a haya ta necesario pa combati COVID19 na Aruba.
E reunion aki a bira necesario despues cu siman pasa diasabra varios empleado di restaurantnan riba e strip di Palm Beach a demostra nan malcontento pa e orariono bo di Toque De Queda como medida necesario pa baha contagio di COVID19 na Aruba.
E tabata un bon reunion den cual Minister Maduro a brinda informacion tambe riba e otro trabounan cu Gobierno ta haciendo pa asina por brinda apoyo na comercio den e momentonan dificil cu e crisis di COVID19 ta trece cu ne. Minister Maduro lo pasa e preocupacion y sugerencianan pa e crisisteam lidera pa Minister President cu lo mester evalua y tuma un decision.
