Crisis team: Ta prohibi keda riba parkeerplaats den marduga

Den e Ministeriële Regeling di dia 22 di october, Crisis Team a kita “toque de queda” y na su luga a introduci “gebiedsverbod”. E prohibicion aki tawata enfoca riba zona di beachnan publico entre e orario di 12:00am pa 5:00am pa evita aglomeracion di hende.

Entrante mañan 25 di october cu ta cuminsa awe nochi pa 12:00am, crisis team a amplia e “gebiedsverbod” y a incorpora aserca espacionan di parkeo (parking lot) of cualkier espacio similar cu ta accesibel pa publico entre orario di 12:00am pa 5:00am.

Crisis Team ta evalua continuamente cua ta e situacionnan cu por conduci na un posibel brote di covid un bez mas. Y pa e motibo aki cu ta introduci unda ta necesario medidanan pa minimalisa contagio y yuda comunidad sigui controla Covid-19 riba Aruba.

Ta urgi comunidad pa tuma bon nota di cambio menciona aki riba cu ta drenta na vigor awe nochi pa 12:00am.