E fin di siman aki na Centro di Bario Noord lo tuma luga Copa Himno y Bandera di Criollo Young, cual ta un team di softball di generacion nobo cu ta yiunan y famia di e hungadonan di Criollo Reds.
E team ta consisti di hungadonan entre 17 pa 30 aña, pero mayoria ta hobennan cu ta bay scol ainda.
A organisa e torneo aki cu e meta pa haya fondo pa cumpra nan mesun uniform ya cu nan ta hungando cu simplemente un t-shirt.
E manager di e team ta Eugene de Cuba y ta invita tur hende pa yega Centro di Bario Noord pa duna sosten na e muchanan den nan prome torneo. Bini uno bini tur y celebra dia dia Himno y Bandera cu Criollo Young.
