Covid-19: Un total di 55 persona a test positivo awe

Departamento di Salud Publico (DVG) a informa awe cu no menos di 72 persona a recupera di Coronavirus, pero na otro banda a registra un total di 55 caso nobo di Covid-19, di cual 51 ta residente y 4 no-residente.

Cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 629 test. ‘Postivity rate’ entre nos residentenan ta 20%.Activo tin awe 524 caso, cantidad di morto relaciona cu Covid-19 ta 52 persona.

Hospital a informa cu tin un total di 27 persona interna di cual 11 ta den Cuido Intensivo y 16 riba unidad general di covid.