Gobierno y Departamento di Salud di Aruba a manda informacion y datos cu ta incera cifra pa locual ta trata diabierna 18 y diasabra 19 di september 2020
Un total di 111 persona a recupera pa e dia di awe.
Despues di 2 dia di test a drenta informacion cu pa awe a registra 91 caso nobo di Covid-19 (22% “positive rate”) di cual 1 ta no-residente. Casonan activo awo ta na 1289 persona. E total di testnan haci dia 18 y 19 ta 681, di cual 407 test tabata haci na laboratorio di hospital bou residentenan y total di caso di fayecimento relata na Covid-19 ta na 23 persona
Hospital ta informa cu tin un total di 43 persona interna di cual 9 ta den cuido intensivo y 34 ta isola riba piso general.
