COVID-19: Binti tres persona a recupera

Casonan positivo di COVID-19 ta bahando poco poco pero sigur. Compara cu ayera, e casonan activo a baha cu 8, haciendo esaki 131 caso activo pa awe.

Pa loke ta e resumen di awe, tin un total di 23 persona a recupera, a registra un total di 15 caso nobo di COVID-19, di cual 0 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 509 test. ‘Positivity rate’ entre nos residentenan ta 16 %.

Cantidad di fayecido relaciona cu COVID-19 ta 100.

Hospital ta informa cu tin un total di 18 persona interna di  cual 5 ta den Cuido Intensivo y 13 riba unidad general di COVID.