Covid-19 awe: Mas pashent a cura cu tin contagio nobo

3114

Awe diadomingo a habri cu mas pashent cu a cura for di Covid-19 cu tin hende cu a contagia cu ne. Di acuerdo cu Departamemto di Salud Publico (DVG), tin 5 caso nobo, pero tin 8 pashent cu a cura completamente di e virus. Tanten cu tin mas recuperacion cu tin contagio, ta traduci den reduccion di casonan activo riba nos isla.

Segun resumen di diadomingo, tin 8 persona mas a recupera di covid, a keda registra un total di 5 caso nobo di Covid-19, di cual tur ta residente, cu ta traduci den un “positivity rate” di 8%.

Casonan activo pa awe ta na 90, total di testnan haci na airport y hospital hunto ta 615, testnan haci na laboratorio di hospital so ta 52, total di casonan di fayecimento relaciona cu Covid-19 ta 45. Averahe di casonan pa dia a base semanal ta 10 caso y averahe di “positivity rate” pa dia abase semanal ta 13%

Hospital ta informa cu tin un total di 8 persona interna di cual 3 ta den Cuido Intensivo y 5 isola riba piso general.

E yamada na comunidad ta pa sigui mantene distancia, sigui aplica higiena, sigui uza tapaboca, sigui test pa Covid si bo tin sintoma, sigui mantene isolacion of cuarentena ora bo wordo indica, sigui cumpli y sigui cuida. Aruba ta conta cu bo!