Di acuerdo cu cifranan oficial presenta pa Departamento di Salud Publico di Aruba, DVG, entre ayera p’awe a registra no menos di 141 caso positivo nobo riba nos isla. Un record den historia di Covid-19 na Aruba, pasobra prome cu esaki e cantidad mas halto tabata di 133 caso pa dia. Cu esaki ta duna indicacion cu e casonan no ta bahando, sino al contrario, e casonan ta aumentando!
Di otro banda, DVG a informa cu un total di 58 pashent contagia cu Coronavirus a recupera awe. Di e 141 casonan nobo, mester bisa cu tur di nan ta residente, pues ningun turista a test positivo.
Casonan activo awo a subi na 1364 persona, mientras cu e total di testnan haci ayera ta 386, di cual 291 test ta haci na laboratorio di hospital. Locual ta e cifra pa caso di fayecimento relata na Covid-19 ta keda na 15 persona cu a perde e lucha contra e virus aki.
Hospital di su banda a informa cu tin awo un total di 38 persona interna. Entre nan keto bay tin 11 pashent interna den cuido intensivo (ICU) y 27 ta interna den forma isola riba piso general.
