Awor aki no tin ambiente mas di Beach Tennis. Sjoerd de Vries, director di Beach Tennis Aruba a conta cu e medidanan ta afecta nan hopi. Nan tin un miembresia di casi 700 tenista pero asina mes a perde hopi miembro. Normalmente Beach Tennis ta opuesto na Social Distancing. E ta un social sport y esaki no mag awor.
Esey ta un cambio hopi grandi mes, segun de Vries. Pa e deporte di Beach Tennis, en realidad e tabata sigur pasobra e ta p’afo. Ta mantene distancia y pa e weganan, nunca ta afecta nan. Awor aki ta tiki diferente pasobra awo no mag di hunga doubles y esey ta di beach tennis. Ta compronde e medidanan pasobra nos ta den un situacion hopi serio y tur cos ta nobo pa tur hende.
Sinembargo awo no por hunga doubles. Ta singles so por hunga y un contra un pa e social distancing. Ta lamentabel pasobra hende mester disfruta un tiki tambe. Y deporte ta hopi importante. Ta pensa cu toch cu si hende ta bay pafo y haci su deporte, pero sigur.
Ta bezig toch y por ta tin un solucion p’e y e ora por sigui cu e doubles. Segun de Vries, e no sa cuanto tempo e medidanan ta keda. Pero sin doubles, Beach Tennis Aruba no por funciona bon. Mas importante si ta e siguridad. Ta compronde si y ta kere cu por controla e situacion y cu doubles ainda tin distancia.
Por hunga doubles den forma sigur y ta un punto di discuti. Instancia di e deporte ta Ibisa y ta hopi habri. Por ta toch ta posibel. Tur solucion di Covid tin dos banda. Semper e ta hopi dificil. Un biaha mas ta compronde completamente y mester haci algo, pasobra ta hopi cerca di full un lockdown y mester cera toch.
Esaki a afecta Beach Tennis internacionalmente mes, segun de Vries. Dilanti di ex-Bushiri Hotel tabata tin eventonan grandi y Beach Tennis tabata un evento bon atendi tanto pa e localnan como pa e turistanan.
Nan tabata bezig caba cu e organisacion di e aña aki pa 2021, pero a cancel’e. Awor aki ta bezig pa 2021 y ohala e ta bay door otro aña. Ta bezig un biaha mas cu networknan internacional y kier haci un restart pa 2021. A perde un aña y e luga tabata ideal. Full cla pa e tenistanan. Awor aki no por uz’e y ta hopi lamentabel pa tur hende envolvi den Beach Tennis. No ta na Aruba so, pero internacionalmente tambe.
De Vries a agrega cu Beach Tennis Aruba ta cumpli cu tur regla, ta mantene distancia y e deporte ta safe. Por ta no ta e tempo, pero toch ta invita tur hende pa bin tira un bista na Beach Tennis Aruba, pasobra e club ta full habri y pa tur hende na Aruba. Si bo gusta, fia un paddle paden y si bo gusta bo por bira miembro. E ta full mixto. E ta dibertido, segun de Vries. Covid no ta yudando, pero post-Covid, ta invita tur hende bek na BTA.
