Corsou: Hermanito Narváez riba You Tube

163

Awor Bo por mira produkshonnan di pasado , presente i di futuro ( ora kosnan nòrmalisá ) riba You Tube channel “ kanal80 total “.
Di añanan 60 pa 80 Hermanito tabata na RADIO CUROM ( ku P.S.H. , Top 40 , Top 100 , Ambiente na Beach , Soul to Soul ,Festivalnan , Sertamennan ,  Karnaval ets ) .Di añanan 80 te final di dekada 90 na TeleCuraçao ( ku e.o. Karnaval , di Skina pa Skina , Tesoro di Kòrsou , Miss Kòrsou , Pagina Sosial , Miss Universe , Regatta Boneiru , Zomer Karnaval , Calle 8 , Kòrsou dòrná na lus , Academy Awards , Siman di Kultura  , Seú ets ets ) .

Di 2001 te 2020  riba TDS  Kanal 80 (   tur sorto di aktividat tantu lokal komo internashonal ) !!!I awor un etapa i eksperimentu nobo :You Tube ku e channel “ kanal80 total “ ( e idea tá pa kambia e nòmber den futuro ) !Según dianan pasa , Hermanito lo pone más i más di su produkshonnan di pasado , riba You Tube !

Nòrmal den luna di Januari tur kaminda lo tabatín aktividatnan di Karnaval ,pero e aña’ki no tin Karnaval. Pero riba You Tube lo Bo por mira masha hopi di e aktividatnan di Karnaval di Kòrsou ( rekuerdonan úniko). Tin mas plataforma pendiente pa Hermanito presenta , pero ora ta mas konkreto esei lo wordu anunsiá. Karnaval TOTAL , awor riba You Tube  channel “ kanal80 total “ !!!
Bo por Subscribe , like i share , i automatikamente ora tin produkshon nobo riba You Tube di “kanal80 total “ Bo ta sá.