Aparte di e paisnan cu nan ta representa, COTAL ta representa operadornan den cantidad. Segun Armando Bojorquez Patron, presidente di COTAL, nan ta representa mas di 5000 socio total den tur e paisnan di America Latina y algun pais aliado y ta pensa cu e esaki tin e tendencia di crece. Tempo cu Bojorquez a tuma e presidencia, nan tabata riba un sistema mas simpel y practico. Tur asociación y confederacion ta cobra pa ta socio pasobra di esey e confederacion y asociación ta biba, door di cobra quota.
Den un punto di bista, Bojorquez a bay na e parti di mas moderno, dicon no ta Facebook, ni Twitter, ni Whatsapp, Google, no ta cobra. E ora Bojorquez a bisa cu nan no ta cobra pasobra loke nan ta haci, ta cu nan tin un gran grupo di consumidor cu ta parti di nan. E ora nan ta probecha y ta cobra pa e publicidad, promocion, etc. Loke cu Bojorquez a haci cu no ta bay cobra ningun miembrecia ni quota pa ta socio di COTAL. Actualmente pa ta socio di COTAL tin cu cualifica como agente di biahe, como empresa, socio-pleno of un socio aderiente manera empresanan periodistica, manera medionan di difusion, como hotel y tur eseynan, ta socionan aderiente cu por asocia na COTAL sin costo algun.
E ora tin un gran posibilidad di haci negoshi entre nan mes. Esaki ta permiti nan pa nan por haci un trabao cu ta yama hopi networking. Cu nan por haci cu e mesun socionan di COTAL. Si tin un grupo cu ta interesa pa bay Aruba, e ora na cualkier otro pais por surgi e conocemento cu na Aruba por tin posibilidadnan di crecemento di desaroyo. Ta conformando un grupo pasobra tin un importante difusion di loke tin y no. Tambe tin cu no ta cumpli cu loke ta priminti y como profesionalismo cu mester ta, por ehempel den caso di un mal operador.
Esaki ta yuda nan pa haci un cualificacion di e servicionan turistico y pa tin un gran networking entre e afiliadonan na e Confederacion di Organisadornan di Turismo di America Latina.
