Un caso di mala suerte a tuma luga awe mainta te na un di e puntanan di mas pariba di nos isla.
Un truck di chica pos a haye den un susto basta bon durante su orario di trabou. Riba Juana Mortostraat na San Nicolas, kasi yegando KIA, el a pasa ranca un palo di luz cu a chispa mesora.
Esaki a sosode aproximadamente 11:20AM riba e crusada menciona. Na momento cu e palo di luz a cay y ranca e waya esaki a causa un chispa cu a cende e mondi den cercania na candela. Mirando cu e tabata menasando e cas a yama brandweer di biaha.
Polis pero tambe Elmar a presenta pa asina traha riba suministro di coriente cu tabata afecta den e area pa motibo di e accidente aki. Manera efecto di domino, tur cos cu tabata conecta tabata afecta.