Polis di Playa no mester a bay mucho leu di nan warda awe mainta ora cu mester a bay atende un accidente cu cuater auto envolvi. Esaki ta pasobra el a tuma luga den e caya net patras di nan warda mes.
Den careda di 9:00 am, den van Walbeeckstraat a tuma luga un accidente caminda tabatin cuater auto envolvi.
Ta trata di un accidente entre un Nissan March, Toyota Hiace, Hyundai Getz y un Suzuki SX4, caminda cada un a ricibi daño material respectivamente door di impacto.
A pidi presencia di ambulance na sitio pa un pasahero den e mini bus cu a resulta levemente herida.