Corte Superior a ordena libertad di Victoria Millan

Corte Superior siman pasa diaranson a ordena libertad inmediato di Luisa Victoria Milan Jimenez di 28 aña di edad, sospecha di intento di asesinato of di tin di haber cu e intento di asesinato contra e Larymar “Hillary” Primera di 23 aña di edad. Esaki ta e famoso caso di supuesto secuestro den cual dos amiga cu a haya problema cu otro lo a paga $200 pa mata e otro na Punto Fiho. Sinembargo, e victima a paga e “secuestradonan” mas pa su bida y nan a lage bay.

Relaciona cu e denuncia oficial cu Hillary Primer a haci contra Victoria Milan, dia 10 di october ultimo a detene pa e acusacionnan ariba menciona. Hues Comisario a bay di acuerdo cu su encarcelacion y despues na varios ocasion a ordena su prolongacion, te cu el a bay KIA pendiente e caso penal contra dje.

Diaranson siman pasa, durante un caso sumario cu e sospechoso a entama na Corte Superior contra su detencion, a haci cu tres   Hues a mira e caso diferente y a ordena su libertad mesora, pendiente e investigacion andando.

Riba red social Victoria Milan a reacciona mesora, bisando cu e ta e mucha muhe cu a sali riba e video, cu e ta considera “bagamunderia”. El a admiti cu e tabata cera pa un luna, debi cu un mucha muhe a inventa un storia hopi delicado. E ta contento cu entretanto e ta liber, danki Dios,  cu el a siña un otro les di bida y cu miho conocemento di hende, pasobra nunca tabatin tabatin un secuestro. El a sigura cu nunca a secuestra ningun hende, no tabatin mensahe di bos, pasobra e berdad ta cu den e dianan ey e tabata di biahe cu su famia.

Victoria Millan a sigui bisa cu e caso aki y su encarcelacion a causa cu el a laga su baby di apenas 2 aña su so atras. El a enfatisa na tur hende cu conoce, cu e no ta un drogadicto ni tampoco e ta den un gang di malandro, e no ta asesino y tampoco ta permanece ilegal na Aruba. E ta casa y cu e “victima” a mete den su relacion y kibra su hogar. E ta reclama cu su ex-amiga a sigui persigui’e y a haci tur cos pa kibre, inventando un storia asina delicado, te cu a logra convence su ex-casa pa kita su yiu di dje.

“Todo Aruba sabe quien es esa mujer y a que se dedica y todo lo que dijo alli que soy, lo es ella”.