“Nos a ripara cu tin hopi atencion pa cambiamento di ley, pero di parti di Corte, nos no ta un instituto cu ta cambia ley. Nos ta interpreta ley y sigur cu si ley cambia, e interpretacion tambe lo cambia”, asina Ernesto Kross, Vestigingsmanager Gerecht in Eerste Aanleg di Aruba, a bisa na momento di acepta e manifiesto di e organisadonan di e manifestacion “Ta Basta” dilanti edificio di Corte.
Varios organisacion a uni den un solo evento awe pa demostra nan malcontento pa e castigonan cu acusadonan den casonan di abuso sexual ta hayando ultimamente. Ta enfoca specialmente tambe riba casonan den cual ta envolvi muchanan, cu hopi biaha no por defende nan mes of kisas ni sa cu locual ta sosodiendo ta robes. Comunidad ta bou di e impresion cu mester aumenta e castigonan of Huesnan mester baha cu man mas pisa contra sospechosonan cu ta abusa di mucha.
Yuri Bracho a bisa despues cu nan a entrega no menos di 12 mil firma na e representante di Corte. E firma ta di ciudadanonan preocupa y cu ta malcontento cu e leynan manera cu nan ta actualmente. Bracho a keda masha contento cu e declaracion di Kross y cu nan ta conta cu Corte lo sa di