Awe Corte a dicta fayo den caso cu e ex bankero Alwyn Lin a cuminsa contra Fundacion Aruba Ta Nos y su tres miembronan, Michael Williams, Jan de Ruijter y Leo Croes. Abogado Allan Kuster a defende Alwyn Lin mientras cu e fundacion a defende su mes, sin abogado. Hues a rechasa demanda di Lin y a conden’e pa pago di e gastonan.
Alwyn Lin a demanda Williams pa hala su denuncia penal contra dje aden y tambe a exigi pa e skirbi un carta pa su persona cu e denuncia haci no ta basa riba berdad y tambe pidie despensa. Alwyn Lin a pidi Corte, pa exigi Michael Williams, pa den su carta e copia tur instancia cu a haya e dossier for di e Fundacion.
E discusion a cuminsa ora cu den e caso penal “Avestrus”, cu Ministerio Publico y Recherchenan di RST a haci un inval na cas of oficina di Alwyn Lin. E tempo ey el a sali defende su mes den media bisando cu e no ta sospechoso, sino un simpel testigo. Abogadonan penal a bisa nos e tempo ey cu pa autoridad drenta Bo propiedad cu un ordo di Hues Comisario pa un “inval”, Bo mester ta un “sospechoso”. Pasobra como testigo nan lo yama Bo pa pasa bishita oficina di Recherche pa contesta pregunta y no cu Recherche ta drenta Bo cas cu un ordo di Hues pa busca documento y/of computer y/of pruebanan.
Loading…
Reload document 
Open in new tab Corte a conclui cu esun cu por papia di un denuncia falso ta un Hues di casonan penal y no un Hues civil. Tambe Hues a subraya cu no ta Corte, sino un Fiscal di Ministerio Publico ta esun cu ta dicidi pa hala un caso aden. Probablemente Lin a haya conseho robes di su abogado pa cuminsa un caso sumario pa pidi un decision penal. Awor cu e caso, probablemente mal lanta y den Corte robes y haciendo demandanan eroneo, a pone cu Lin no ta haya rason y e denuncia penal den su contra ta keda!
A base di e argumentonan ey Lin a perde e caso enbes cu e haya carta di despensa, awo e mester paga tur gasto envolvi den e caso civil aki.
